Dawr Nak Hmun

                           Dawr Nak

                                                     

       Maw Bawipa nang mah cu zungzal in kan i Dawr nak na si zung zal . Salm.90:1( Kawl Bible)

I Dawr nak hmun hi nun nak a ngei i poh caah a herh bik bik asi. Tah chunh nak ah Van i a zuang mi Va hna nih I Dawr nak ding caah buu an ngei.Ceng hngia nih Kua an nei,Chendeih le Cakei hna nih dawr nak ah Lung Kua hna an hman. Inn zuat Sathil hna zawng nih dawrnak an ngei.

Cuve ban tuk in Minung zawng nih I Dawr nak kan ngei. Minung hi Thlarau le Tak sa in a nung mi kan si caah  Kan tak sa him nak ding caah dawr nak kan ngeih ban tuk in kan thla rau cazawng ah dawr nak ahau. Asinain Mitam deuh nih Taksa dawr nak ding calawng hi an ruat theu tawn. Tak chun nak ah, Inn,Si ai ,Eidin,Hnipuan,hna le fale hna i an i dawr nak cu Nule pa hna hi an si.Asi na in mah hna i zung zal caah Dawr nak an si kho lo. NulePa hna cu an thi kho, Athi mi zawng ah um hna,Cu caah Nikhat hnu ni khat,Ngak tah hna an tam chin leng mang. Nule pa an um ko nain fale hna caah him nak an si kho lo.

Ram Ram khat nih an ram him nak ding caah hriam nam le Sipuazi hi kan I dawr nak asi tiah an ruah asi nain US i  World Trade Center pi zawng kha him te in an kil veng kho lo i ral hna nih an hrawh khawh ko kha. Idonisia,Japan hna zawng nih an fim thiam nak in Sunami Thli chia kha an doh kho i an ram a rak hrawh dih ko. Mitam pi nih khan i dawr nak ah kan rak ruah mi hna nih hin zung zal him nak a kan pek khawh lo zia hi fiang te in kan hmuh khawh.

Dawt mi Hawi kawm dawt hna, Thlichia hna nak in tih anung deuh mi cu Sual nak hi asi. Vulei nih a chuah pi mi har sat nak nih cun kan pum lawng ahrawh khawh,si hmanh seh law,Sual nak nih cun zung zal nun nak tiang ahrawh khawh. Bily Graham nih “ Ralpi pathum nak, Bawm hna nak in tih anung deuh mi cu minung chung i aum mi Sual nak hi asi tiah ati.”

Jesuh zawng nih “ Nantak sapum cu athat kho mi ,Nan thla rau athat kho lo mi cu tih hlah uh,taksa le thlarau kha Hell ah atlak ter tu kha tih uh” tiah a kan cawn piak.Cucaah...

Nuhrin Sual nak le Tuhser mi Sual chung i luat nak ding caah Khawi ka dah nai Dawr lai? I Dawr nak hmun nahmucang maw? Kan Bibal chung ah, Pathian hmai ah nan sual ban tuk in nan sual nak nih an dawi hna lai i an phak hna lai (Num.32:23 Kawl Bible) tiah kan hmu.

Kan Sual nak nih akan dawi i a kan phak. Zawtfah, Thazang der nak,Chan tawi nak hna hi sual nak ruang ah asi tiah kan bible ah kan hmuh khawh. Mizeng pa zawng kha a sual ruang ah asi,(Mat.9:1-8),Kum 38 a ngawr mipa zawng kha asul nak ruang ah asi,(John5:5-14).A SUAL NAK nih atak pum atem tawn nak kha asi.

Sual nak nih Kan tuah ser nak kha A dawi i a phak. Sual nak nih hin kan pum sa ahrawh lawng si lo in kan tuah ser nak ( Charactor) vial te hi ahrawh.(2Tim.3:1-5), Mifim mihna,bia ah, Loose your business,You loose nothing. If you loose your health You loose half. If you loose your charactor you loose everything tiah kan hmuh. Kan tuah ser nak a rawk ,kan thlau asi ahcun zei zawng vial te kha arawk dih. Cucaah Peter nih” kadawt mi mi hawi le hna.....Thlarau he ai doh zungzal mi pusa duh nak kha i tei ter hlah uh tiah kan nawu hna tiah ati”.1Pet.2:11.

Sual Nak nih kan fale hna kha Adawi hna i a phak hna, Exo.20:5 ah” Nulepa Sual nak kha tefa chan chan thum tiang i dan tat nak atlun nak kawng kan hmuh. David i Sual man cu a fa le chan chan thum tiang an tur. Divid Sual rang ah,Tamar cung ah Amanun nih Sual nak atuah,Abasolom nih Amanun kha athah.David Sianpahrang hmanh kha A fapa Absalom tih ruang ah a zam.(2Sam.15:14).David i A rak sual man cu ate fa chan tiang in an tuar:Cuve ban tuk in ni hin kan tuah mi sual nak nih hin a kan dawi i a kan phak te lai.

Pathian thin hun nak hmun in kan luat nak ding caah dawr nak na hmu cang maw? Pathian thin hun nak cu van cung in arung lang i minung sual nak le that lo nak dihlak cung ah khan a rung lang..Rom.1:18. Pathian a thin hun ruang ah ,rawhral nak le thin phan nak ahung chuak. “Nathin hun nak hmual cu aho nih dah fiang ngai ngai in an hngalh? Nathin linh nak nih zeiban tuk thil tih nung dah a chuah ter ti kha a ho nih dah an hngalh?.Salm.90:11.” Kan dih lak in sual man bia ceih kan si te lai. Kan sual man bia ceih nak chung in a kan luat ter kho tu an um lo,Dawr nak kan ngei lo, Sual man ruang ah pathian thin hun nak chung in a kan kil veng tu a ho hmanh an um lo.

Pathian thin hun nak chung in kan i dawr nak ding ah, Kan ule kan nau,Kan fim nak,Kan ngeih chiah,Reng san, Mi phun hna hi kan him nak an si kholo. Mat.11:28 chung ah,Jesuh nih, “Rethei mi le phurh rit mi hna ka sin ah rauh law dinh nak kan pek hna lai tiah a kan sawm.Pathian thin hun nak chung in kan i dawr nak  ding kan him nak ding hmun cu Jesuh pakhat lawng lawng ah asi. Jesuh sin ah aa dawr mi hna nih luat nak an hmuh. Kan him nak lung Jesuh asi, Thli chia a hran nak kan dawr nak, tiah hla kan sa theu nak in Jesuh ah ai dawr lo mi kan tam theu tawn. Kan him nak tak tak cu Jesuh asi kha fiang te in kan theih i a mah ah kan i dawr a hau,cu lawng ah pathian thin hun nak chung in him nak luat nak kan hmuh lai.

Pathian nih kan dih lak cung ah tha zang thawn nak ding caah can ter hram seh. Amen.

Bawikhrih ah,

Rev.John Zahei

Bago,Myanmar.

Martyrs Nun

Bible Cang thim : Kaduh nak nganbik le sikho seh ti ka duh bik mi cu ka rian hi tlam tlinh kho ning ti hi asi,i a zung zal in,cun  a tu theng te chin chin ah hin ka nun zawng ah ka thih zawng ah ral that nak in  khah i ka pum hrim hrim khrih cu upat nak pek kha asi. Phi.1:20

Mipa khat nih khrih caah a pum apek tak tak cang asi ah cun a thih zawng ah ,a nun zawng ah a caah apawi in a ruat lo.A caah a bia pi bik mi ah a chiah mi cu pathian sunpar nak langh ter lawng kha asi.

The Triumph of John and betty Stam ti mi cauk na rel ah cun ...Nun ah si seh,thih ah si seh,ka nun nak ah Jesuh a sunpar nak ai phun zung zal ban tuk in atu zawng ai phung lai ti hi kai ruah chan mi le ka saduh thah ngan bik asi, ti mi biahi na hmuh peng lai.

Cu ban tuk thim thim in James Eligoes i a cauk chung zawng ah kan hmuh than.Wheaton College i ca a cawn lio i a dairy ah mah ti hin a tial.Kei cu ( AUCUS) tiah auh mi India mi phun caah thi ding in timh cia in ka um ti hi asi.

Cun , Maw bawi pa,Na duh asi ah cun ka nun nak le ka thisen lako.ka hmang ko,ka ui hrim hrim lo,ka nun nak,ka thisen,hi kei mah ta asi loti hi fiang te in ka hngalh.Cucaah ,ka zei zawng vial te hi nang mah kan pek .Hivulei rai thawi nak ding caah ka nun nak hi hmang ko,na hmai i rai thawi nak biak theng cung in a luan lawng lawng ah ka thi sen hi man ngei mi asi ko,ti hi a thla cam nak asi.

Vawlei ah a tla mi thlai ci cu arawk lo asi ah cun pakhat te lawng asi i,a rawk ah cun thei tam pi atlai theu ti hi pathian caah nun nak pe tu  hna Martyrs pawl nih cun atheih i an i nun chih mi asi.  An nih cu thlai ci ban tuk si an duh,Mah ban tuk thin lung ruah nak hi Jesuh nih a zultu pawl a cawn piak mi hna,Luk.9:24 chung ah,zeicatiah,mah him nak lawng a ruat mi cu a nun nak kha asung lai,si hmanh seh law kei mah ruang ah anun nak a sung mi cu khamh nak an hmu lai   timi he hin ai khat mi asi.Haleluijah.

Mah cawn piak nak hi tha te in ruah ah cun a dik tuk hring hran.Ni hin ah zum tu tam pi kan nun ah kan mah calawng ah kan nung theu.Jesuh caah chim lo in mah le chung khar,rual chan har nak an tawn hmanh ah kan i theih ter duh lo. A pawi tuk hring hran.Kan mah calawng ah khua kan sa i, Sual nak chung in a kan khamh tu kan pathian,ni hin ni tiang dam nak hlawh tlin nak in a kan hruai tu caah kan nun nak chim lo a kan pek cia mi lak sawng hmanh a caah kan pek sian lo hi cu a va pawi tuk lawm mam.

Pakhat nak ah .... Kan thei ding mi cu, Kan nun nak hi kan mah ta asi lo.Jesuh nih a sung bik mi athisen in a kan cawk i, a mah ta kan si.Mi thil cu kan mah ta kan ti kho lo.. Jesuh kan caah a thi ti cu kan theih,asi nain Jesuh nih athi sen in a kan tlenh caah kan nun nak hi kan mah ta asilo ti hi cu kan thei thiam theo lo,Jesuh ta kan sicaah kan zei zawng vial te hi a mah caah kan pek a hau. Kan pek lo asi ah cun mifir kan si tiah ati.cun a peh than i Jesuh kan caah a thi ti hi fiang te in kan theih tik ah cun a mah caah sian lo mi kan nei kho lo,tiah ati. 

Hawi Dawt Nacaah Jesuh athi i a thisen i cawk mi ka si tihi nai fiang cang maw?Nai fian asi ah cun tuah ser nak in langhter ding asi.

 

Pahnih nak ah....Vulei ah Jesuh a ra than rih lo, asi nain kan nih zawng kan thi te lai.Pathian caah maw? Kan mah caah dah kan nun nak kan liam ter kan dih ter lai? Asi loah vulei caah dah? A rawk kho lo mi thil hmuh khawh nak ding caah arawk kho mi thil ape siang tu cu mi hrut ti khawh asi lo,Mifim mi tu an si.

Pathum nak ah....., Jesuh nih kan caah a nun nak a pek ban tuk in kan nih zawng nih Amah caah kan caan,kan nun nak,ruah nak,kan thiam nak,kan ngeih chiah hna hi kan pek ve awk asi.Mah lung thin hi ai dawh mi le a tha tuk mi lung thin asi.Kan U nau kan cing la hmanh kan dawt khawh lo ah cun pathian cu zei tin dah kan dawt khawh lai?Jesuh nih kan caah a nun nak a pek nang le kei zei dah kan pek lai? Jesuh nih cun, Kafapa, na thin lung  hawng ka pe tiah ati.Halelujah.

Adongh nak ah....,Micaa that nak ding caah pumpek kan sian lo hi sual asi tiah F.W.H.Myers nih ati. Si an ser tik ah athat le that lo test nak ah mi tam pi nih an pun an nun nak an rak pek, cucaah midang caah that hnem nak le miak nak arak chuah pi.

F.W.H.Myers nih mah ti hin ati than,Minung hi tei tu sing ding kan si lo nain tem tawn kan si,Siangpa hrang si ding kan si ko nain Sal kan si, i ahmun lo mi thil lawng kan i ruah chan i vulei chawva lawng ah kan i lawmh mi hi ngeih chiat awk ngai asi tiah ati. Cun mah tihin apeh than,..Maw Bawipa mivialte khamh nak an hmuh khawh nak ding caah ka nun nak pek ka duh,Nun nak an hmuh khawh nak ding caah ka nun nak pek ka duh.tiah atithan.Kan nih nih teh mah ban tuk lung thin hi kan ngei kho ve maw? An nih zawng kan mah ban tuk in thi sen in cawk mi cio an si ko tung?

Martyrs hna ban tuk in mivial te thih a haulo,Vai naam ,fei,Lutan in nun nak liam ding in mitlawm te lawng athiam hna nain Martyrs lung thin  hi mi vial te nih nei hna seh tihi akan duh mi asi.Pumpek nun hi kan dih lak kan ngeih ding mi asi( Rom.12:1-2).

Thli chia ban tuk in harsat nak hawng ko seh...Kacohlan ko.

Chun Chaban tuk in sunpar nak luchin rako seh....ka welcome ko.Aruang cu ka thlarau,kapumsa cu pathian caah ka pek cangcaah asi tiaah nun nak pek in rian tuan tu hna nih an ti bang  ka thih zawng ah, ka nun zawng ah,Bawipa caah tin pumpek in kar kan hlan khawh nak ding caah thiang thla rau sawm peng hna uh sih. Carel tu dih lak cung ah pathian nih thlua chuah pek hram ko seh.Amen.                       

Kan Herh Mi Tak Tak Cu Pa Khat Te Lawng A Si

                                      

     Bible Cang Thim : Luke .10:38-42

Mah kan bible cang  chung ah hin Jesuh nih Mi nung kan herh Bik mi thil Pa khat te lawng asi zia a kan chimh.Cu cu zei dah asi kha zoh hna uh sih law Thla rau tha zang la hna uh sih.

Cang 38 Nak ah  “Jesuh le a zul tu hna cu khual an tlawn lioah khan khua pakhat an phan I cu ka khua ah cun  Martha nih an in ah tlung ding in asawm hna.Martha te khua hi bethany khua si she law a dawh.(Johan.11).Martha nih Jesuh an inn ah tlung ding in asawm ban tuk in kan nih zumtu zong nih kan sawm awk asi.Asi le kan sawm lawng hi azamaw?Zanai sai hlah.Zei dah kan herh rih?

Cang 39 Nak tiang kan zoh tik ah Jesuh sawmtu cu Martha asi nain  abia ngai tu le apawng I aum Mi tu cu Mary tu asi.Zumtu tam pi nih kan Krih fa Bu caah ,kan khua caah ,tiin Thawng tha bia chim thiam thiam kan sawm hna lawng si lo in kan mah zawng nih kan ti khawh tawk cio in kan chim. Asinain Jesuh nih zei dah a kan chimh, akan cawnpiak ti kha kan mah nih kan ngailo.

Cang 40 Nak ah,Martha cu rian atamcaah khan a ing apuang I,Bawipa,Kanau nunih kei mah lawng rian tuan aka rinh hi nazei apawi lo maw?Vabawm tiah hun chim tiah ati.Zumtu tam pi zawngMartha ban tuk in rian ah kan buai,pathian thawng tha ngai ding in kan I manh lo,Cutik ah daite in a um mi khi kan mit akem ,Pathian thawng tha ruat lo in kan hmai I buai nak,rian,lawng lawng kan hmuh caah thla kan cam tik zawng ah a phi kan hmu lo.Zeicaah dah asi.Isaiah .1:15ah,khan Thla cam in nan kut hler tik ah kan zoh duh hna lo,zeizattam hmanh cam uh law kan ngeih piak hna lai lo.zeicah tiah nan kut ah thisen aa neh ati.

Mah ah hin,Achim duh mi cu,kan kut ah thisen umtak tak mi khi asilo,mikan ngeih thiam lo nak,kan hna chuah nak,khi ati duh chan mi cu asi.Martha zawng kha rian tuan bawm ding in Jesuh sin ah a nawl tik ah Jesuh nih a duh lo.asian lo,zei tin dah aleh?zoh hna uh sih.

Cang 41-42 ah,Martha,Martha nang cu thil tam pi kawng ah nalung re athei I na ing apuang,sihmanhseh law aherh tak tak mi cu pakhat lawng asi aati.Zumtu tampi Martha ban tuk in nitin nun nak,ngeih chiah,fimnak,than cho nak caah kan buai I thla zawng kan camtheu.

Asinain Jesuh nih cun,Nan herh taktak mi cu pakhat lawng asi ati.Cukan herh tak tak mi cu zei dah asi?Jesuh nih a chim than mi cu,”Cucu Mary nih a hmuh cng.aathim Cang,I aho hmanh nih an chut kho lai lo.Cu kan herh mi kan theih I,kan I thim cang ah cun aho hmanh nih an chut kho lai lo.

Zumtu nih kan herh ngai ngai mi cu pakhat lawng asi.Johan 6:33ah,Pathian nih tuah hna she ti akan fial mi rian cu ATHLAH MI ZUMH asi ati.Cuathlah micu Jeduh asi I,Zeidah achim tikha apawng ah um I ngeih le amah kan zumh ding khi a chim duh miasi.Mathai.3:33 ah,aramle a dinfel nak kha kawl hmasa law Na herh mi poh poh an peklai tiah ati.

Cu ramle afel nak  haawl atimi cu Jesuh nih tuah ter akan duh mi le achim duh mi theih I apawng ah um I bia ngeih hi asi.Psam.37:4 ah,Bawipa kha I bochan law nalung thli tum kha an pek lai.Bawipa sinah lung lomh nak kha hawl lawng hi kan duh nak tlin ter tu asi.Phungthlukbia 14:27 ah,Thih nak in luat naduh maw?Bawipa tih hi nun nak certi asi ati.

UleNau Hawi Kawm Dawt Nule Pa hna,Na herh mi nathei fiang cang maw?Naherh tak tak mi cu Pakhat te lawng asi.Cucu rum nak, Hlawh tlin nak,hna asilo.Jesuh nih zei dah a kan cawn piak ti kha ngeih le zulh hi asi.Cu kan herh tak tak mi cu kan hmuh asi ah cun thildang vial te zawng pek kan si lai.Zumtu unau Mah herh mi hmu tu,tuah tule Zultu si hram hna uh sih.

Pathian nih kan dih lak thazang thawn nak ah can ter hram seh.

A rian Thiang ah,

Rev.John Zahei

Sual Nak Chung in a kan Tlenh Cang

Bible cang thim :Isaiah.43:25  Asinain nan sual nak an hnawh piak tu hna cu kei mah kasi........Nan sual nak cu kan cin ken piak ti hna lo.

Kan Bawipa Thih nak le thawh than nak thawng tha bia hi zumh lo nak le sual nak ruang ah pathian thin hun nak kha a langh ter tu silo in vawlei cung mivial te cung I pathian dawt nak tu kha a langhter.Pathian nih cun adawt tuk mi afapa ngeih chun te vulei I a rak thlah cu misual thlanh ding ah le amah a din nak kha I hrawm veding ah asi.

Mithiang pawl nih cun ,Kan nih kan biapi cu pathian nih mevialte kha krih thawng in hawi ah a serter hna.tihi asi.Pathian nih ansual nak kha anmah sual phawt nak ding ah  caah cazin chung ah a khumh piak hna lo I,kan nih cu hawi ah aser hna nak biachim kha  a kan fial tiah ati.(2Kor.5:19).

Paul nih avun peh rih mi cu Khrih cu sual nak zeihmanh  a ngeilo sihmanhseh law kan mah ruang ah pathian nih kan sualnak kha a hrawmter I cucaah amah he kan I peh ah cun pathian din nak kha kan I hrawm ve lai tiah a nolhrih.

Bible cang chung I an sual ngeih thiam nak caah pathian sin ah raithawi nak an pekchanh mi nih  akan hmuhter mi cu nikhat niah cun pathian nih ansual nak  vialte kha kalpi ding ah a hmanmi rai thawi nak a kan pek telai tihi asi.Khamh kan si tikah  vawlei sualnak a kalpi tu pathian tuufa in kan tuah mi ban tuk tehin raithawi nak a tuah velaiati.

Pathian biakam an zumh khawh nak ding caah asi.Khangh rai thawi nak nih cun sual nak cu ahlo kho tak tak lailo tiah fiang tein  pathian bianih cun achim. Zeitin tiah cawtum thile meheh thi nih cun sual nak kha a hlo kho tak tak lo.(Heb.10:4)

Kanmah sining ruah nak nih hin cun Bawipa  thih nak le thawh than nak biahi theih khawh ding cu an si kho lo.Zumh nak le Thiang Thlarau fimchimh nak lawng in pathian  nih vawlei mi akan dawt nak cu theih khawh asi. Kan sual nak in tlanh ding ah le zumlo tu inzumtu sinak,zungzal mitlo Hellmei chung in khamh ding ah le zung zal nunnak coding ah afapa ngeih chun cu hi vawlei ah a rak thlah nak cu asi.

Pathian nih a kan khamh nak a chung muru  Thiang Thlarau nih a phuan tik ah cun Thlarau zung zal nun nak lei panh ding caah Pathian a kan dawt nak cu fiang te in nan hmuh khawh nan tawn khawh ve ko lai tiah ka zumh.Kan tha zang a dertik ah pathian  avel ngeih nak biathlum nih lung thin chung I tian a tuan tik ah cun Amah sin ah Thang thai lawmh nak Bia chim khawh asi.David nih cun .Hla thar kha a ka cawn piak. Ka Pathian thang that nak hla kha a ka cawn piak ati.(Salm.40:3).

Avel ngeih nak thawng in kan lung thin chung ah Khrih Jesuh a um tikah cun kan sual nak a kan tlanh nak daih nak le thiam coter nak kan hmuh khawh ti fiangte kan vun theih nak in kan nun chung ah a man a sung lawi deuh mi zei thil hmanh a umti lo.

Bawipa thawh than caan ah kan nun nak azapi Pathian nih kan umpi hramseh law lamkan hraui hram ko seh.¦..AMEN.

Arian Thiang ah,

Rev.Johnzahei