Bo Chan Tlak Fa le

Fa Le MiTha Mi Zoh Chun Tlak An si khawh Nak Hnga

Psalms.139:13-14

Ka pum chung thil vial te hi nang mah sermi ansi dih. Ka nu Paw chung I a ka semter tu  nangmah nasi. Hiban tuk thil thuk le khuaruah har mi thil ruang ah hin nangmah cu kan lawmh;keimah kawng I khuaruah har asi mi thil le nangmah nih na tuah mi thil khuaruah har asi mi kawng ah hin kan lawmh. Nangmah  nih na ka hngalh dih cikcek ko.

An Herh Bik Mi

Hngak chia nih a herh bik mi cu Zawn ruah nak, Dawt Nak, Thate zoh khen le Pumcaah a herh mi tuah piak khi asi. Mah hna hi atawi nak in chim ah cun Taksa, Thinlung, Thlarau himnak asi.

Zeiruang ah dah Hngak Chia an rawk?

Hngak chia an rawk nak bik cu Sifak ruang, Nule pa nih hlonh, Nule Pa I then ruang ah le Fimthiam nak cham bau ruang ah asi.

Fale he peh tlai in kan Bible cawn piak ning

 1.Fale hi Pathian Lak sawng an si. Gen.4:1;33:5

2. Pathian pek mi ro … Psalms.127:3-5

3. Pathian pek mi Thluachuah…. Luk. 1:42

4. Pile Pu Caah Luchin…….Phung thlukbia.17:6

Hngakchia I an Man

Hngak Cia ti hi Mirang cun CHILD  a ti I mah bia fang ah hin hngak chia I an man  kan hmuh khawh .

1.       C = Christ. Hngak chia hna hi Jesus khrih sin in a rak mi asi . Nuleva siruang  lawng ah hin fa ngeih khawh asi lo. Nuva fangei lo mi tam pi an um. Cucaah kan fale hna hi Pathian sin in a ra mi an si ruang ah hin an man a fak tuk. Cawk khawh a si lo. Kan fa le hna hi kan mah ta an si lo Pathian ta an si  I  Pathian nih NulePa kha a kan zumh ruang ah a kan hlenh mi lawng an si. Nule Pa nih fale hi Pathian kan theih ter hna lo ah cun  Zumh awk tak lo tiah Pathian nih a kan ti lai. Deuteronomy 6:7-9 ah “Nafa le kha felt e in na cawn piak hna lai I,na inn  chung I na thut ah siseh,lam I na kal ah siseh, na ih ah siseh,na thawh ah siseh,na chimh leng mang hna lai……..Tiah ati.

Kan fale an thin lung chung muru tiang a luh khawh nak ding caah fa le Ih lai ah Tuan bia chimh ding ansi.  Mi cheu nih cun ih lai an fale tuan bian an chimh hna tik ah ngeih nuam sawh sawh Uichur tuan bia, Palo Tuan bia ti hna an chimh hna. Mah hi thil hman lo asi.Israel mi hi Ram kip ah sal an tan tik ah an fa le hi siang inn an kai kho lo I an ca zawng an cawng kho lo. An nu le pa nih zan ih lai ah tuan bia in an miphun kawng, an Pathian nih zei tin dah lam a hruai nak kawng le zumh tak Pathian asi nak kawng kha an chim leng mang hn tik ah mah nih cun an fa le nun ah Pathian an theih nak bik asi. Bia kam thar chung zawng ah  Timothy kha a pi le a nu nih a hngak chiat lio te in Pathian bia in an cawn Piak ruang ah zoh chun awk tak bik Pastor ah ai cang.

2.       H = Holly. Thian hlim  Minung kan thian hlim lio can hi kan hngak chiat lio can asi tiah an rak ti. Ca tial thiam nih cun Vulei ah hin mi phun thum kan um I Nule Pa hi Director asi I Mino le upa pawl hi Actors an si I  Hngak chia hna hi zoh tu an si tiah ati. Hngak chia hi mi nun zoh in ai cawn mi an si tik ah nu le pa nih thian hlim nun kan ngeih hi a rak bia pi tuk. Hngak chia hi zei hmanh tial lo mi Catlap rang he an I lo an ti . Maah ca tlap chung ah cun kut tial dawh the in na tial ah cun duh nung  asi lai I thla lo in na tial ah cun duh nung mi ca tlap ah ai cang kho lai lo. Kan fa le hna hi zei hmanh tial lo mi a thiang hlim mi catlap ban tuk an si.

3.       I = Independence. A luat lat mi an si.  A cheu nu le pa nih fa le an dawt hna an ti I zei tuah hmanh an sian hna lo. Mah ti in a thang mi hngak chia kha a upat tik ah zei tuah hmanh a thiam lo. Cu caah cun kan fa le hi an mah le a tuah khawh tawk  mi rian kha an hngak chiat lio te in tuah ter ding an si. Kawl ram Ral Bawi lak ah  Ram dang mi tiang nih an rak upat mi Maha Bandulah hi zeicaah dah mah ti hin upat awk a tlak tiah an hal tik ah a hngak chiat lio te in a nu le a pa nih Sikan ngei ding in an rak cawn piak ruang ah asi an ti. Nule pa duh nak lawng si lo in fale nih an duh nak kha langh ter nak nawl pek I thil tha le tha lo thei den thiam ding in cawn piak ding hi kan rian asi . A kham in kham lo ding. Hngak chia hi nu le pa ai bo chan peng ding dir hmun ah dir ter lo in a mah te in a dir khawh nak ding caag a hngak chiat lio te in a tuah khawh tawk te kha tuah ter ding asi.

4.       L = Lord.  Hruai tu Bawi. Kan fa le hna hi reng sang le thil ti kho tu si dih hna she ti hi nule pa poh nih kan duh dih. Asi na in kan fa le hi sungh le za tlak an tong leng mang hna. Nule pa le pawng kam mi nih dir khamh peng le tha zang pek peng an hau. Catial thiam tu  U Phe Maung Tin nih cun Saya nak in Siang hngak chia a thiam deuh a hau I nule pa nak in fa le a thiam deh a hau aati. Sungh nak an ton can ah mawh chiat lo in nai zuam than ah cun na awng ko lai tiah tha zang pek an hau, Mah ti kan tuah khawh ah cun Hruai tu tha ah an I cang ko lai. Cun Tinh mi fel an ngeih khawh nak ding zawng ah cawn piak lam hmuh sak an hau.

5.       D = Discipline  Si kan le Dawt nak.  Phung thluk bia. 22:6 ah “A zulh awk a si mi lam kha hngak chia cu cawn piak law a u pat tik ah mah cucu a pial tak ti lai lo”.  Hngak chia caah a tha bik mi siang inn cu inn asi I a tha bik mi le a thiam bik mi Saya ci cu Nu le an si an ti. Moses zawng kha a nu sin ah miphun dawt nak le Pathian theih nak kha a rak cawn hma sa. Cun Timoty zawng In ah a rak cawng. That e in inn ah sikan ngei ding in cawn piak mi fa le cu Minung hmai le Pathian hmai ah mit hmai tha an hmu.

Dongh Nak.

 Nazi hruai tu hiter hi nu le pa nih a hngak chiat lio te in an rak cawn piak lo ruang ah mah ti mi sual ah ai can nak hi asi an ti. A mah I a Pi le a pu hi Pa theih lo mi chung in a rak chuak mi asi. Ca  arak thiam lo tuk I a pa he hin an rak I si peng  Tuan ah a pa nih a thih tak rauang ah nun can dawh lo in a nung I misual bik ah mi nih zoh pa ah ai cang. Cucaah Pathian nih Zoh khenh awk ah a kan hlenh chung mi kan fa le hi tha in kan zoh khenh hna lo ah cun Bia ceih kan si te lai.  Sayamah Tan Myint aung I a tial mi ah, Neh sawh Nak hmun I a thang lian mi cu  tih hrut nun in an nung lan,  Mi kawng ceih nak, hmun I a thang mi cu misual kawl tu, mi thang chiat tu ah ai cang,  Zumh lo nak, lung I hrinh peng nak hmun I a thang mi cu Mitha lo ah ai cang.  Zawn ruah nak um lo nak hmun I a thang mi cu  mizei lo in a nung,  Dawt nak, zawn ruah hmun I a thang mi cu Mizapi cung ah dawt nak a ngei I zawn ruah nak zawng a ngei.

Din fel nak hmun I a thang mi cu Thil dik kha a duh I a tanh peng. Fim thiam nak hmun I a tang mi cu Khua ruat khawh nak nun in a khat, Bia chim ai cum mi chung in a thang mi cu In khawh nak a ngei peng a ti. Kan fa le Mitha Hruai tu tha an si khawh nak ding caah kan inn chung cio in thawk hna uh sih. Amen….

Zei Caah dah Pathian Dawt nak Kan Ci khawh lo

                         Zei Ruang ah Dah Pathian Dawt Nak Kan co Khawh lo

Intro :  Pathian Fapa asi ko nain Kan caah a nun nak pek in tlenh ha ai thim. Zisuh  Nun nak hi a ho hmanh nih lak khawh awk asi lo Amah le in a nun nak a peng ruang ah vai lam tah nak ah a thih kha asi,

Johan 10:17-18 ah, “Kapa nih a ka dawt cu ka nun nak kha pek ka sian caah asi. Cu pek ka sian cu ka nun nak kha ka hmuh than nak hnga caah asi. Ka nun nak cu a ho nih an ka chuh asi lo,kei mah lung tho te in pek ka sian mi asi ko.Pek nak nawl kha ka ngei I lak than nak nawl zong ka ngei. Cucu ka Pa nih tuah seh ti a ka duh mi cu asi.”

Zisuh kan cah ah athih ning le a tuar nak hi a fak bik mi le ning zak bik asi, Rome ral kap pawl nih a hnipuan vial te an phoh dih, hri hrual par ah thir zun an tem mi in an tuk an tuk tik ah thir zum nih zisuh tak sa ah ai bunh I an vun dawh ah khin a tit vun ai la chih dih ti asi.cu lawng silo in vai lam tah tung kha an put ter chih  an chuih an lamh.Vai lam ah an vun thah. Zisuh nih zei sual nak dah a tuah I mah ti hin a tuar hnga? Na ruat bal maw hawi dawt.

Minung tam pi nih zei caah dah vai tam tah ah zisuh athih ti mi hi an thei thiam lo. Zei ruang ah dah vai lam ah thih lo in mah ti hin kan sual nak a kan ngih thiam hnga lo. Kan ngeih thiam hna hei ti  she law a za ko hnga . Pathian nih mah ti in zisuh thih hau lo in kan sual nak a kan ngeih thiam lo nak a ruang cu “Pathian cu a ding mi Bia ceih bawi asi ruang ah” asi. A ding bik mi Kan Pathian nih Mah tihin a rak ti “ A sual mi poh cu a thi ko alai” Ezekiel 18:4b. tiah bia chah nak a rak ngei.

Mivial te nih sual nak kan tuah dih,Cucaah thih nak ing ding mi kan si.Pathian nih a kan dawt I zei hmanh hau lo in kan ngeih thiam hna hei ti she law bochan tlak biak awk tak arak si hnga lo.Pathian thil hman thil dik lawng a tuah . Kan bible chung ah Pathian khuan khan mi le bia chah mi cu a dik tiah ati. Kan Pathian hi a din fel tuk ruang ah kan sual nak hi zei rel lo in a rak um lo.

Kan Pathian nih Zei tin dah a kan khamh I a din fel nak kha a kil kawi hnga? Kan sual nak vial te cu sual ngei lo Zisuh chung ah a chiah ka ai awh ah Zisuh a thi.

Putar Pa khat kha Bia ceih nak zung ah an vun chuah pi.Chang reu tlawm pal te a fir ruang ah asi.Bia ceih bawi nih na sual maw tiah ahal tik ah ka sual  ka rawl atam tuk ruang ah ka fir tiah a leh. Bia ceih bawi pa hi mifel mi tha asi .a thawh I ka zang na fak tuk ko a si nain rawl tam ruang I mithil fir cu kan ngai thiam kho lo. Tang ka na liam lo ah cun Thawng ah na lut lai tiah a ti. Putar Pa nih a lu lei pah in tang ka liam awk ka ngei lo tiah a leh.

Biaceih bawi pa nih cun Bia ceih nak ang khi kha ai phoih I a thut nak thut dan ah a chiah I putar pa sin ah cun a va kal I Bai ceih bawi ka si a phung ning te in dan kan tat lai, cun hawi kawm ah kan ruah ruang ah na liam ding mi cu kei mah nih kan liam piak lai tiah a ti I a zal chung in tang ka a chuah I putar pa caah a liam piak.

Phung bia buar ruang ah cawi le liam a tawng I a cawi liam kho lo mi he kan I lo. A Thiang hlim mi Pathian nawl bia kan buar.cu ruang ah dan tat nak kan tuar a hau. Bia ceih bawi ban tuk in a bawi lu chinh Phoh in mi sual khamh ding ah Zisuh a ra I vai lam tah ah athi. Kan Bible lak ah a sung lawi bik  le a thlum bik tiah ka ruah mi cu van cung khua le bawi si nak vial te kal tak in vu lei ah a rak tum I kalvary vai lam tah nak ah mi sual mi kan caah Zisuh a thi ti mi hi asi.Zisuh nih kan sual lei ba vial te a kan cham piak ti kha kan thin lung tak in kan zumh I kan bawi asi tiah kan co hlan asi ah cunPathian nih kan sual nak vial te kha a kan ngeih thiam. Kan caah zisuh nih  a thlet mi thi sen ruang ah nan sual ti lo tiah a kan ti. Pathian dawt nak hi lung hrin in kan um awk asi lo.  A kan dawt tuk ruang ah a a fa pa ngeih chun a vun thlah I a kan dawt nak kha a langh ter.

Rome 5:8.Asinain Pathian nih cun zei tluk in dah a kan dawt kha hi ti hin a tanghter.Kan nih cu misual kan si rih lio ah hin khrih cu kan caah a thi tiah ati.

Zei Ruang ah Dah Pathian Dawt nak kan co Khawh lo?

Pathian nih a kan dawt tuk ko hei si kaw Zei ruang ah hme a dawt nak kan tin co khawh lo? Pathian dawt nak kan tin co khawh lo nak a ruang cu a sin in kan zam( Kan I Then) ruang ah asi. Pathian dawt nak kan theih lawng si lo in kan tin co khawh nak ding caah  “Hrin Thar”  “Pian Thar “ Kan hau.Zisuh nih “ A ho hmanh hrin than asi lo ah cun Pathian pen nak kha a hmu lai lo ati. Johan 3:3.

Hrin Than Kan ti mi cu Zei dh asi?

Thla rau lei in hrin thar I Pathian inn chung kar ah I ser khi asi. Kan tak pun in hrin than khawh sihmanh hlah uh sih law Thla rau lei in hrin than khawh asi.Kan hrin than khawh nak ding caah kan sual kan I ngai chih I zisuh kha khamh tu le bawi ah kan co hlan a hau.

Sual Ngei chih Cu zei dah asi?

Sual ngeih Chih kan ti mi cu Kan sual ruang ah ngeih chiat khi asi lo. Cun Kan sual ruang ah mit thli tak tah khi asi lo. Sual ngeih chih kan ti mi cu “ KIR THAN’ ti khi asi. A ruang cu kan zulh mi lam a hman lo ti kan theih I cu lam cun kir than  I lam hman zulh khi asi. Kawl Dictionary ah cun Ruah nak hlun vial te kha hlawnh  kal tak  I ruah nak thar in nun tiah a hrilh fiah. Sual nak hmun in kan kir than nak ding a ruang cu kan zulh mi lam a dik lo ruang ah asi. Isaiah nih “ Kan nih cu kan dih lak in a tlau mi tuu ban tuk kan si, kan duh nak cio poh ah kan rak kal. Tiah a ti. ISai.53:6.

Micheu nih cun kan sual nak ruang ah kan ngeih a chia kan tap ko na in kan tuah tawm mi thil tha lo kha kan tuah than theu.Cu cu kan Bible nih sual ngeih chih a ti mi cu asilo. Sual ngeih chih kan ti mi cu kan tuah ser ning thlen khi asi.kan tuah ser ning le kan ruah ning ai thlen lo ah cun Pathian co hlan mi sual ngeih chih asi lai lo.

Pathian Dawt nak Kan tin co khawh lo nak cu cu Zisuh chung ah um lo in biak nak chung ah kan um I kan sual nak kan I ngai chih lo ruang ah asi. Psalm Ca tial tu pa nih Cun “ Bawipa Dawt nak A thawt zia kha tep cio uh a ti ban tuk in a tep mi le a dawt nak a thlum zia a ting co mi kan si khawh nak hnga Bawi pa lei panh in kir Than hna uh sih. Amen.

Dawr Nak Hmun

                           Dawr Nak

                                                     

       Maw Bawipa nang mah cu zungzal in kan i Dawr nak na si zung zal . Salm.90:1( Kawl Bible)

I Dawr nak hmun hi nun nak a ngei i poh caah a herh bik bik asi. Tah chunh nak ah Van i a zuang mi Va hna nih I Dawr nak ding caah buu an ngei.Ceng hngia nih Kua an nei,Chendeih le Cakei hna nih dawr nak ah Lung Kua hna an hman. Inn zuat Sathil hna zawng nih dawrnak an ngei.

Cuve ban tuk in Minung zawng nih I Dawr nak kan ngei. Minung hi Thlarau le Tak sa in a nung mi kan si caah  Kan tak sa him nak ding caah dawr nak kan ngeih ban tuk in kan thla rau cazawng ah dawr nak ahau. Asinain Mitam deuh nih Taksa dawr nak ding calawng hi an ruat theu tawn. Tak chun nak ah, Inn,Si ai ,Eidin,Hnipuan,hna le fale hna i an i dawr nak cu Nule pa hna hi an si.Asi na in mah hna i zung zal caah Dawr nak an si kho lo. NulePa hna cu an thi kho, Athi mi zawng ah um hna,Cu caah Nikhat hnu ni khat,Ngak tah hna an tam chin leng mang. Nule pa an um ko nain fale hna caah him nak an si kho lo.

Ram Ram khat nih an ram him nak ding caah hriam nam le Sipuazi hi kan I dawr nak asi tiah an ruah asi nain US i  World Trade Center pi zawng kha him te in an kil veng kho lo i ral hna nih an hrawh khawh ko kha. Idonisia,Japan hna zawng nih an fim thiam nak in Sunami Thli chia kha an doh kho i an ram a rak hrawh dih ko. Mitam pi nih khan i dawr nak ah kan rak ruah mi hna nih hin zung zal him nak a kan pek khawh lo zia hi fiang te in kan hmuh khawh.

Dawt mi Hawi kawm dawt hna, Thlichia hna nak in tih anung deuh mi cu Sual nak hi asi. Vulei nih a chuah pi mi har sat nak nih cun kan pum lawng ahrawh khawh,si hmanh seh law,Sual nak nih cun zung zal nun nak tiang ahrawh khawh. Bily Graham nih “ Ralpi pathum nak, Bawm hna nak in tih anung deuh mi cu minung chung i aum mi Sual nak hi asi tiah ati.”

Jesuh zawng nih “ Nantak sapum cu athat kho mi ,Nan thla rau athat kho lo mi cu tih hlah uh,taksa le thlarau kha Hell ah atlak ter tu kha tih uh” tiah a kan cawn piak.Cucaah...

Nuhrin Sual nak le Tuhser mi Sual chung i luat nak ding caah Khawi ka dah nai Dawr lai? I Dawr nak hmun nahmucang maw? Kan Bibal chung ah, Pathian hmai ah nan sual ban tuk in nan sual nak nih an dawi hna lai i an phak hna lai (Num.32:23 Kawl Bible) tiah kan hmu.

Kan Sual nak nih akan dawi i a kan phak. Zawtfah, Thazang der nak,Chan tawi nak hna hi sual nak ruang ah asi tiah kan bible ah kan hmuh khawh. Mizeng pa zawng kha a sual ruang ah asi,(Mat.9:1-8),Kum 38 a ngawr mipa zawng kha asul nak ruang ah asi,(John5:5-14).A SUAL NAK nih atak pum atem tawn nak kha asi.

Sual nak nih Kan tuah ser nak kha A dawi i a phak. Sual nak nih hin kan pum sa ahrawh lawng si lo in kan tuah ser nak ( Charactor) vial te hi ahrawh.(2Tim.3:1-5), Mifim mihna,bia ah, Loose your business,You loose nothing. If you loose your health You loose half. If you loose your charactor you loose everything tiah kan hmuh. Kan tuah ser nak a rawk ,kan thlau asi ahcun zei zawng vial te kha arawk dih. Cucaah Peter nih” kadawt mi mi hawi le hna.....Thlarau he ai doh zungzal mi pusa duh nak kha i tei ter hlah uh tiah kan nawu hna tiah ati”.1Pet.2:11.

Sual Nak nih kan fale hna kha Adawi hna i a phak hna, Exo.20:5 ah” Nulepa Sual nak kha tefa chan chan thum tiang i dan tat nak atlun nak kawng kan hmuh. David i Sual man cu a fa le chan chan thum tiang an tur. Divid Sual rang ah,Tamar cung ah Amanun nih Sual nak atuah,Abasolom nih Amanun kha athah.David Sianpahrang hmanh kha A fapa Absalom tih ruang ah a zam.(2Sam.15:14).David i A rak sual man cu ate fa chan tiang in an tuar:Cuve ban tuk in ni hin kan tuah mi sual nak nih hin a kan dawi i a kan phak te lai.

Pathian thin hun nak hmun in kan luat nak ding caah dawr nak na hmu cang maw? Pathian thin hun nak cu van cung in arung lang i minung sual nak le that lo nak dihlak cung ah khan a rung lang..Rom.1:18. Pathian a thin hun ruang ah ,rawhral nak le thin phan nak ahung chuak. “Nathin hun nak hmual cu aho nih dah fiang ngai ngai in an hngalh? Nathin linh nak nih zeiban tuk thil tih nung dah a chuah ter ti kha a ho nih dah an hngalh?.Salm.90:11.” Kan dih lak in sual man bia ceih kan si te lai. Kan sual man bia ceih nak chung in a kan luat ter kho tu an um lo,Dawr nak kan ngei lo, Sual man ruang ah pathian thin hun nak chung in a kan kil veng tu a ho hmanh an um lo.

Pathian thin hun nak chung in kan i dawr nak ding ah, Kan ule kan nau,Kan fim nak,Kan ngeih chiah,Reng san, Mi phun hna hi kan him nak an si kholo. Mat.11:28 chung ah,Jesuh nih, “Rethei mi le phurh rit mi hna ka sin ah rauh law dinh nak kan pek hna lai tiah a kan sawm.Pathian thin hun nak chung in kan i dawr nak  ding kan him nak ding hmun cu Jesuh pakhat lawng lawng ah asi. Jesuh sin ah aa dawr mi hna nih luat nak an hmuh. Kan him nak lung Jesuh asi, Thli chia a hran nak kan dawr nak, tiah hla kan sa theu nak in Jesuh ah ai dawr lo mi kan tam theu tawn. Kan him nak tak tak cu Jesuh asi kha fiang te in kan theih i a mah ah kan i dawr a hau,cu lawng ah pathian thin hun nak chung in him nak luat nak kan hmuh lai.

Pathian nih kan dih lak cung ah tha zang thawn nak ding caah can ter hram seh. Amen.

Bawikhrih ah,

Rev.John Zahei

Bago,Myanmar.

Martyrs Nun

Bible Cang thim : Kaduh nak nganbik le sikho seh ti ka duh bik mi cu ka rian hi tlam tlinh kho ning ti hi asi,i a zung zal in,cun  a tu theng te chin chin ah hin ka nun zawng ah ka thih zawng ah ral that nak in  khah i ka pum hrim hrim khrih cu upat nak pek kha asi. Phi.1:20

Mipa khat nih khrih caah a pum apek tak tak cang asi ah cun a thih zawng ah ,a nun zawng ah a caah apawi in a ruat lo.A caah a bia pi bik mi ah a chiah mi cu pathian sunpar nak langh ter lawng kha asi.

The Triumph of John and betty Stam ti mi cauk na rel ah cun ...Nun ah si seh,thih ah si seh,ka nun nak ah Jesuh a sunpar nak ai phun zung zal ban tuk in atu zawng ai phung lai ti hi kai ruah chan mi le ka saduh thah ngan bik asi, ti mi biahi na hmuh peng lai.

Cu ban tuk thim thim in James Eligoes i a cauk chung zawng ah kan hmuh than.Wheaton College i ca a cawn lio i a dairy ah mah ti hin a tial.Kei cu ( AUCUS) tiah auh mi India mi phun caah thi ding in timh cia in ka um ti hi asi.

Cun , Maw bawi pa,Na duh asi ah cun ka nun nak le ka thisen lako.ka hmang ko,ka ui hrim hrim lo,ka nun nak,ka thisen,hi kei mah ta asi loti hi fiang te in ka hngalh.Cucaah ,ka zei zawng vial te hi nang mah kan pek .Hivulei rai thawi nak ding caah ka nun nak hi hmang ko,na hmai i rai thawi nak biak theng cung in a luan lawng lawng ah ka thi sen hi man ngei mi asi ko,ti hi a thla cam nak asi.

Vawlei ah a tla mi thlai ci cu arawk lo asi ah cun pakhat te lawng asi i,a rawk ah cun thei tam pi atlai theu ti hi pathian caah nun nak pe tu  hna Martyrs pawl nih cun atheih i an i nun chih mi asi.  An nih cu thlai ci ban tuk si an duh,Mah ban tuk thin lung ruah nak hi Jesuh nih a zultu pawl a cawn piak mi hna,Luk.9:24 chung ah,zeicatiah,mah him nak lawng a ruat mi cu a nun nak kha asung lai,si hmanh seh law kei mah ruang ah anun nak a sung mi cu khamh nak an hmu lai   timi he hin ai khat mi asi.Haleluijah.

Mah cawn piak nak hi tha te in ruah ah cun a dik tuk hring hran.Ni hin ah zum tu tam pi kan nun ah kan mah calawng ah kan nung theu.Jesuh caah chim lo in mah le chung khar,rual chan har nak an tawn hmanh ah kan i theih ter duh lo. A pawi tuk hring hran.Kan mah calawng ah khua kan sa i, Sual nak chung in a kan khamh tu kan pathian,ni hin ni tiang dam nak hlawh tlin nak in a kan hruai tu caah kan nun nak chim lo a kan pek cia mi lak sawng hmanh a caah kan pek sian lo hi cu a va pawi tuk lawm mam.

Pakhat nak ah .... Kan thei ding mi cu, Kan nun nak hi kan mah ta asi lo.Jesuh nih a sung bik mi athisen in a kan cawk i, a mah ta kan si.Mi thil cu kan mah ta kan ti kho lo.. Jesuh kan caah a thi ti cu kan theih,asi nain Jesuh nih athi sen in a kan tlenh caah kan nun nak hi kan mah ta asilo ti hi cu kan thei thiam theo lo,Jesuh ta kan sicaah kan zei zawng vial te hi a mah caah kan pek a hau. Kan pek lo asi ah cun mifir kan si tiah ati.cun a peh than i Jesuh kan caah a thi ti hi fiang te in kan theih tik ah cun a mah caah sian lo mi kan nei kho lo,tiah ati. 

Hawi Dawt Nacaah Jesuh athi i a thisen i cawk mi ka si tihi nai fiang cang maw?Nai fian asi ah cun tuah ser nak in langhter ding asi.

 

Pahnih nak ah....Vulei ah Jesuh a ra than rih lo, asi nain kan nih zawng kan thi te lai.Pathian caah maw? Kan mah caah dah kan nun nak kan liam ter kan dih ter lai? Asi loah vulei caah dah? A rawk kho lo mi thil hmuh khawh nak ding caah arawk kho mi thil ape siang tu cu mi hrut ti khawh asi lo,Mifim mi tu an si.

Pathum nak ah....., Jesuh nih kan caah a nun nak a pek ban tuk in kan nih zawng nih Amah caah kan caan,kan nun nak,ruah nak,kan thiam nak,kan ngeih chiah hna hi kan pek ve awk asi.Mah lung thin hi ai dawh mi le a tha tuk mi lung thin asi.Kan U nau kan cing la hmanh kan dawt khawh lo ah cun pathian cu zei tin dah kan dawt khawh lai?Jesuh nih kan caah a nun nak a pek nang le kei zei dah kan pek lai? Jesuh nih cun, Kafapa, na thin lung  hawng ka pe tiah ati.Halelujah.

Adongh nak ah....,Micaa that nak ding caah pumpek kan sian lo hi sual asi tiah F.W.H.Myers nih ati. Si an ser tik ah athat le that lo test nak ah mi tam pi nih an pun an nun nak an rak pek, cucaah midang caah that hnem nak le miak nak arak chuah pi.

F.W.H.Myers nih mah ti hin ati than,Minung hi tei tu sing ding kan si lo nain tem tawn kan si,Siangpa hrang si ding kan si ko nain Sal kan si, i ahmun lo mi thil lawng kan i ruah chan i vulei chawva lawng ah kan i lawmh mi hi ngeih chiat awk ngai asi tiah ati. Cun mah tihin apeh than,..Maw Bawipa mivialte khamh nak an hmuh khawh nak ding caah ka nun nak pek ka duh,Nun nak an hmuh khawh nak ding caah ka nun nak pek ka duh.tiah atithan.Kan nih nih teh mah ban tuk lung thin hi kan ngei kho ve maw? An nih zawng kan mah ban tuk in thi sen in cawk mi cio an si ko tung?

Martyrs hna ban tuk in mivial te thih a haulo,Vai naam ,fei,Lutan in nun nak liam ding in mitlawm te lawng athiam hna nain Martyrs lung thin  hi mi vial te nih nei hna seh tihi akan duh mi asi.Pumpek nun hi kan dih lak kan ngeih ding mi asi( Rom.12:1-2).

Thli chia ban tuk in harsat nak hawng ko seh...Kacohlan ko.

Chun Chaban tuk in sunpar nak luchin rako seh....ka welcome ko.Aruang cu ka thlarau,kapumsa cu pathian caah ka pek cangcaah asi tiaah nun nak pek in rian tuan tu hna nih an ti bang  ka thih zawng ah, ka nun zawng ah,Bawipa caah tin pumpek in kar kan hlan khawh nak ding caah thiang thla rau sawm peng hna uh sih. Carel tu dih lak cung ah pathian nih thlua chuah pek hram ko seh.Amen.